isang tula alay sa aking Ama

ALA-ALA NI PAPA

(isang tula para sa aking yumaong ama)

pinalaki kami tahimik at maayos na pamilya

sa munting bahay na puno ng saya

di magawang magalit kahit inis na siya

lalo na kay mama pag kami'y pinapagalitan na.

lumipas ang panahon kami'y malaki na

siya namang paghina ng aming papa

sakit na nararamdaman ayaw ipadama

di namin alam siya pala ay malala na.

buong pamilya lungkot ang nadama

dahil alam naming iiwan na kami ng aking ama

lalo na ako na di ko man lang naipakita

pagmamahal at pag-aaruga noong siya'y malakas pa.

pumanaw man ang aking ama

mabuting alaala iniwan sa aming pamilya

tapat na ama mabuti sa mga anak niya

di ko man lang nasabi bilib ako sa kanya.

umiiyak ako tuwing naalala ko siya

di ko man lang naibahagi tagumpay na nadarama

isang ama na kapiling mo sa hirap at ginhawa

di mo bakas ang hirap mabuhay lang ang pamilya.

sa buhay ko malaking bahagi siya

lahat na tagumpay alay ko sa kanya

alam kong kapiling na niya ang may likha

ipinagdarasal na patnubayan naiwang pamilya.

maraming salamat sa iyo aking ama

sa magandang aral at buhay na pakumbaba

sa tamang landas sana ay matularan ka

sa aming buhay laging kapiling ka!

handog kay AMA !

Pagsintang kaytamis na alay mo kay Inang Lambing at pagsuyo na aming nagisnan Ikaw ang haligi na aming sandalan Ito'y naging gabay sa patutunguhan. Sa pakikibaka sa unos ng buhay Mataas na tugatog, siya mong kapantay Sa araw at gabi lagi kami iyong bantay Magpahanggang ngayo'y ala-ala naming taglay. Ang iyong pighati'y aking naramdaman Sa iyo ay idinulot namin ay kabiguan Binuong pangarap na 'di mo nakamtan Ngunit pagmamahal mo'y hindi nabawasan. Dakila ka o ama, wala kang katulad Sa anomang pagsubok, saan ka man mapadpad Bigyan kami ng ligaya, ito ang iyong agap Itaguyod kami ay siyang tangi mong pangarap. Pagsapit ng hapon, pagod ay 'di alintana Makamtan lamang namin ang iyong pagkalinga Ngiti sa iyong labi, puso ay mapayapa Kami nga sa buhay mo siyang iyong panata. Mahal kong ama aming naging sandigan Sa iyo nga ay utang yaring aming buhay Kulang man po itong aking iniaalay Inyo pong tanggapin, muli'y inyong pun-an. Mga papuri kong hindi nga mabigkas Bukal sa damdamin 'di nga mailabas Ngayon ay ibig kong isigaw ng malakas Pag-ibig ko sa 'yo buo't anong wagas!

>> AKING AMA ...

noong ako ay umuwi

kalungkuta'y napawi

sapagkat sabik ng todo-todo

na makita't makapiling kayo

ngunit sa aking pagbabalik

tila nawala ang pagkasabik

nang marinig ang balita ng ina

na kalagayan ng aking ama'y malubha

sa ospital agad na tumungo

upang malaman ang kondisyon mo

at doon nasaksihan ko

ang lahat ng paghihirap mo

luha ko'y agad na tumungo

di mapigil ng kahit na sino

puso ko'y nagmamakaawa

na pakiusap pagalingin mo siya Diyos Ama !

noong ako'y iyong hinagkan

at sinabing ika'y babawi paglabas riyan

hinihiling na sana'y matapos na nga

ang nararanasan mong pagdurusa

kahit na konting sandali

hindi umalis sa iyong tabi

kahit na ako'y nasasaktan

tuwing ika'w dumadaing na nahihirapan

nung dumating si ina

bakit tila naghabilin ka na

hiniling mo na sana'y alagaan

kami ng aming ina't ingatan

maya-maya ipinaalam nila sa akin

na nag-aagaw buhay ka na't di mo na kakayanin

sumigaw ako't umiyak sa harap nila

pagkat hindi na talaga kaya ang sakit na nadarama

nang ika'y aking sinilip

puso ko'y naninikip

bumubulong ng mga panalangin

sana naman ito'y dinggin

habang ako'y naghihintay

katawan ko'y nananamlay

sana naman wag mawala

ang aking minamahal na ama!

ngunit sa isang iglap,

bumagsak aking mga pangarap

kung saan kabilan ka

pagkat dito ika'y mahalaga

oh aking Ama bakit ka sumuko?

hindi mo tinupad ang iyong pangako

na ika'y lalaban at kakayanin ito

para kay inay at sa aming mga anak mo

lubos na napakabilis ng mga pangyayari

pakiramdam naming lahat hindi mawari

parang kanina'y yakap lang kita

eto ngayon ika'y nakahimlay at namamahinga na!

lahat kami'y nagdamdam at lumuha

pagkat ayon sa doktor magagawa'y wala na

ngayon ang dapat na lamang gawin

pagakasawi mo'y tanggapin

maya-maya ika'y nilapitan

lubos na nahabag sa iyong kalagayan

ikaw aking hinalikan sa noo

tanda ng pagmamahal ko sayo !

sa iyong pagkalibing

kalungkutan nami'y dinadaing

pagaka't talagang napakasakit

na mawalan ng amang kaybait

ngayon takbo ng buhay namin nabago

pilit na tinatanggap pagkawala mo

ang kalimutan ka'y hindi madali

pagkaulila'y hindi makubli

kung saan ka man ngayon

sana'y magaing masaya ka doon

mahal na mahal ka namin PAPA !

yan sana ang tandaan mo wala ng iba ...